Tevagustar.es Tevagustar.es Tevagustar.es Tevagustar.es
La Voz de Galicia
Blogs de lavozdegalicia.es
Á marxe do tempo

Inseguridade na rúa

30 de julio de 2014 a las 0:30

Alá polo ano 1982, cando estiven invitado na Unión Soviética, en pleno réxime comunista, alguén me traduciu uns carteliños que figuraban no parabrisas dalgúns camións e que dicían que con Stalin non había tanta delincuencia. A verdade é que eu me dediquei a pasear por Moscova, moitas veces de madrugada, e nunca tiven conciencia de que correse ningún perigo. Non obstante, coñecín persoas que me aseguraban que a inseguridade era cada vez maior e que sentían medo se por algún motivo tiñan que saír de noite.

Cóntame agora Miguel Viqueira, profesor e novelista español residente en Lisboa, que ese mesmo temor estase estendendo tamén naquela cidade, tan segura ata hai pouco como o Moscova que eu coñecín. Despois de todo, entre o Portugal de Salazar e a Unión Soviética de Stalin debía haber algunhas semellanzas.

Segundo me ten referido este amigo, o outro día presentouse nunha comisaría lisboeta un señor para denunciar que fora atracado na rúa por un tipo mal encarado que lle quitara a carteira. Media hora máis tarde, un señor de aspecto agradable e pacífico entregaba a carteira desaparecida e declaraba sorprendido que lle pedira lume a un home que se cruzou no seu caminiño e que este, sen mediar palabra, absolutamente aterrorizado, sacou unha billeteira do peto interior da chaqueta, entregoulla e saíu correndo.

Esta columna publicouse orixinalmente o 30 de xullo de 1994.

Marxe
Escrito por amarxedotempo Comentar
Facebook Tuenti Twitter Google Buzz Meneame.net

Deja tu comentario