La Voz de Galicia
Seleccionar página

Había tempo que quería adicar unha entrada deste blog a Latri.ca, a rede de microblogging creada en xaneiro pasado e que, sen querer presentarse coma a competencia galega de Twitter, si aspira a converterse nunha alternativa local aos portais maioritarios. Como diferencia destacar que neste caso o número de caracteres permitidos por mensaxe ampliouse ata os 200, xa que, como eles mesmos recoñecen na web,  «160 non nos chegan ós galego…».

latricaPois ben, creo que a mellor data para facer referencia a Latri.ca neste blog é hoxe, ao ter convocado o portal para este serán o chamado “primeiro festival  on line con grupos galegos”. Do que se trata é de despedir a temporada musical estival dunha forma distinta: coa retransmisión a través da Rede das actuacións de varias formacións da comunidade como Esquios, The Cripple and the Tramp, Losthopes, Carlos López, Labazada, La comandancia, Dreams of Dolly Sheep, O Neno Elliott ou Fia na Roca.

A cita comeza ás 20.10 horas e conta con páxina propia.

P.D. Por certo, dende Latri.ca tamén ponse o foco na adaptación da rede aos dispositivos móbiles.